BAGUIO CITY – Impetteng ni Mayor Benjamin Magalong a saan a solusyon iti nailet a gunay ti trapiko ti road widening iti siudad no diket maysa a sistema.
Iti pannakiuman ti media kenni Mayor Magalong, kinunana a tuloy-tuloy ti pannakiuman dagitoy iti Metro Pacific Tollways Corporation (MPTC) para ti Smart Urban Mobility Project.
Innayun ti mayor nga iti agdama adda pay dagiti karit.
Gapu iti dayta, maaddaan ti proof of concept no sadinno manarimaan ti series of meeting.
Inlawlawagna pay nga imbes a maimolement ti city wide proof of concept, nangpili dagitoy ti maysa a rota, partikular ti Aurora hill nga agbalin kas area of implementation tapno makita ti kinaepektibo daytoy.
Nupay kasta, bayat a maur-uray ti desisyon wenno approval ti council, tuloy ladta ti meetings ken engagements.
Maipalagip a naisingasing ti Smart Urban Mobility Project idi 2023.
Daytoy ket maysa a data driven ken AI backed initiative a tumulong para iti pannakabawas ti nailet a gunay ti trapiko iti siudad babaen iti panag-prioritize kadagiti pampubliko a lugan.
Nakapokus daytoy iti Intelligent Transportation System (ITS), Smart Parking Management, Traffic Management & Enforcement, Congestion Charging ken Unified Transport Terminal.
Source: Bombo Radyo Baguio
