Nailunsar idi Hunyo 16, 2026 ti “Bayanihan para sa Balikbayang Manggagawa” Reintegration Network ken Job Fair babaen iti panagtitinnulong ti Department of Migrant Workers (DMW), Opisina ni Baguio City District Representative Congressman Mauricio Domogan, ken nadumaduma a national line agencies iti Baguio Convention and Cultural Center.
Nakaawis ti aktibidad iti agarup 1,000 a partisipante a naitedan dagiti gundaway iti trabaho ken serbisio a mangsuporta kadagiti nagawid nga Overseas Filipino Workers (OFWs). Panggep met ti programa a mangipromote iti natalged a panagtrabaho iti ruar ti pagilian ken mangpapigsa iti kapasidad ti DMW iti panangmonitor ken panangted tulong kadagiti OFWs.
Naitampok met iti programa dagiti one-on-one consultations a nangted iti gundaway iti direkta a panag-empleyo, kasta met dagiti serbisyo para iti reintegration, kas iti social assistance manipud iti Department of Social Welfare and Development (DSWD), pangbiag nga oportunidad babaen iti “Buy Lokal” program, ken dagiti posision iti panagsursuro babaen iti “Sa Pinas, Ikaw ang Ma’am/Sir” (SPIMS) program ti Department of Education (DepEd).
Pinangulwanan ti aktibidad da Baguio City District Representative Congressman Mauricio Domogan, DMW Undersecretary Bernard Olalia, Regional Director Chit Daytec-Yangot, ken dadduma pay nga opisial.
Source: Baguio City PIO
