LAOAG CITY – Inpakaamo ni Mr. Alvin Luciano A. Ubasa iti Social Insurance Officer I ken Public Relations Officer ti PhilHealth ditoy probinsia nga adon dagiti accredited a cancer screening facility iti babaen iti PhilHealth’s YAKAP (Yaman ng Kalusugan) program.
Kunana a nagasat iti probinsia nga Ilocos Norte gapu ta dagiti kakadakkelan a Private ken Government facility ket accredited tapno mangipaay iti cancer screening test.
Inbatadna a dagitoy ket pakairmanan iti Adams Rural Health Unit (RHU), Currimao Municipal Health Office, Dingras District Hospital, Dumalneg Rural Health Unit (RHU), Gov. Roque B. Ablan Sr. Memorial Hospital, Karmelli Clinic and Hospital Pinili Inc., Marcos Municipal Health Office, Mariano Marcos Memorial Hospital, MSR Healthcare Clinic, Municipal Health Office of Bangui, Nueva Era Rural Health Unit (RHU) , Center, Pagudpud Rural Health Unit (RHU), Piddig District Hospital, Piddig Rural Health Unit (RHU), San Nicolas Municipal Health Office, Sarrat Rural Health Unit (RHU), ken Solsona Rural Health Unit (RHU)
Malaksid iti daytoy kunana a dagiti private clinic a YAKAP accredited ket pakairamanan pay ti Bumanglag Specialty Hospital, Gaoat Hospital, Karmelli Clinic and hospital Inc.,
Pagudpud Adventist Wellness, Pulmocare Health Center, ken Black Nazarene Hospital Inc.
Innayonna a iti babaen ti pannakailawa iti serbio na dagitoy ket ad-ado pay dagiti matulungan nga umili.
Source: Bombo Radyo Laoag City
