Kas paset ti panagsagana kontra kalamidad, nangideposito ti Provincial Government of La Union (PGLU) iti relief goods ken emergency supplies iti ili ti Luna idi Hunyo 15, 2026.
Babaen iti Provincial Disaster Risk Reduction and Management Office (PDRRMO), naipaay dagiti kangrunaan a suplay a kas kadagiti food packs, bottled water, hygiene kits, modular tents, tarpaulins, ken pagidulinan ti nadalus a danum tapno masigurado ti napardas a pannakatulong kadagiti residente no adda kalamidad wenno emerhensia.
Nagyamman ni Luna Mayor Gary N. Pinzon iti agtultuloy a suporta ti PGLU iti panangpapigsa ti kinasagana ken kinatalged ti komunidad.
Kinuna ti PGLU a ti nasapa a panagsagana ken naurnos a koordinasion ket napateg tapno maprotektaran ti biag ken pagimbagan dagiti umili iti tiempo ti kalamidad.
Panulat ni IlocanoAk
Source: PGLU
