Nangiyangay ti LGU Tuguegarao babaen ti Bureau of Fire Protection (BFP), kasta met ti Metropolitan Tuguegarao Water District (MTWD), iti water flushing operation iti sumagmamano a pampubliko a lugar idiay Tuguegarao City idi Huwebes, Mayo 28, 2026.
Napasamak daytoy a panaggun-od gapu iti nangato a heat index a naggagarud iti agarup 42°C agingga 45°C kadagiti napalabas nga aldaw iti siudad, isu a naki-coordinate ni City Mayor Maila Ting-Que iti BFP ken MTWD tapno maipatungpal ti operasyon.
Babaen iti panagusar iti fire truck ti BFP, binusbusan ti danum dagiti sumagmamano a nadumaduma ken napnoan ti tattao a paset ti siudad tapno maibsan ti epekto ti grabeng pudot. Kabilang kadagiti lugar a naiyangayan ti water flushing operation ket ti paset ti Tuguegarao City Commercial Center (TCCC), Don Domingo Public Market, ken dadduma pay nga asideg a kalsada.
Agikabil met ti LGU-Tuguegarao kadagiti water stations iti estratehiko a pampubliko a lugar tapno makatulong kadagiti residente ken mangsalaknib kadagiti tattao manipud iti dehydration ken dadduma pay a sakit a maidulot ti pudot ti tiempo.
Kabayatanna, gapu iti agtultuloy a nangato a heat index, pinalagipan manen dagiti Tuguegarao health authorities ti publiko a uminom iti adu a danum, liklikan ti nabayag a panagparna iti init, ken agannad kontra iti dehydration, heat stress, ken dadduma pay a sakit a maidulot ti pudot ti tiempo.
Source: Cagayan Provincial Information Office
