BAGUIO CITY – Inorganisar ti City Sports Development Office iti pannakikadua da iti Baguio City Checkmate Associations, Inc., Knights and Minds Chess Association Inc., Bag-iw Chess Association Inc., ken Knights Adaptive Integrated Tactical Chess Organization ti umuna a Summer Chess Clinic iti 2026.
Ti tallo nga aldaw nga aktibidad ket mangiraman iti dua nga aldaw a lecture ken maysa nga aldaw a practice tournament. Adda P50 a registration fee para kadagiti kayat a makipaset.
Maiklasipikar dagiti nagrehistro a partisipante iti tallo a grupo: beginner, intermediate, ken advanced. Agduduma iti walong trainers ti maited iti tunggal kategoria tapno maipaay ti personal a panangisuro ken panangidalan.
Sigun kadagiti mangidaulo, ti programa ket naggapu iti panggep a pagtiponen dagiti ubbing, patauden ti interesda iti chess, ken tulungan ida a mapadur-as ken mapapigsa dagiti abilidadda iti nasao a isports.
Maitultuloy ti Summer Chess Clinic manipud Mayo 29 agingga Mayo 31, 2026 iti basement ti Baguio Convention and Cultural Center.
Agtultuloy met laeng ti registration iti entero a panawen ti aktibidad tapno maawat amin dagiti interesado a makipaset iti nasao a programa.
Source: Baguio PIO
