Simmangpet iti Provincial Capitol dagiti Cagayano a naggraduar iti Philippine Military Academy (PMA) “Talang Dangal” Class 2026 tapno ag-courtesy call kenni Cagayan Gobernador Edgar Aglipay idi Mayo-25, 2026 kas paset ti panagyaman ken panangbigbig iti suporta ti probinsiya kadakuada.
Iti mensahena, impaganetget ni Gob. Aglipay ti kinapateg ti panagserbi nga addaan kinapudno, disiplina, ken kinamatalek iti tunggal tungkulin a maited kadakuada.
Kinunana a dagiti baro nga opisial ket saan laeng a mangsalaknib iti talna ken seguridad ti bansa no di ket mangipakita met iti nasayaat a pagwadan iti umili ken agtutubo.
Impakaammo met dagiti PMA graduates a sipupudno a pagserbian da ti pagilian babaen iti kinapudno, kinatured, ken panangisalimetmet iti talna ken soberania ti Pilipinas.
Inpanamnama da a pagtalkan da dagiti prinsipyo ti dangal ken panagserbi iti umili iti amin a tiempo. Kinunada a sipupudno a pagtalkan da ti sinumpaanda a responsibilidad da kas kameng ti Sandatahang Lakas ng Pilipinas babaen iti kinatured, disiplina, ken kinamatalek iti pagilian. Impakaammo da pay a nakasagana da a mangsalaknib iti talna ken seguridad ti bansa, kasta met a mangserbi iti umili agraman iti respeto, kinapudno, ken kinaimbag ti panagserbi ti publiko.
Source: Cagayan Provincial Information Office
