Nagsapata dagiti naituding a Farmer Officials for a Day (FOFAD) iti agtultuloy nga suporta para kadagiti mannalon nga naiangay a mainaig ti Fisherfolks Month 2026 sadiay Tuba, Benguet itay Mayo 26, 2026 ijay munisipyo ti Tuba, Poblacion, Tuba, Benguet.
Ti nasao nga aktibidad ket paset ti selebrasion ti Farmer and Fisherfolk’s Month a tinabunuan dagiti mannalon manipud iti nadumaduma a barangay.
Iti mensahe ni Mark Roy Macanlalay, Regional Manager ti Philippine Coconut Authority, impaganetgetna ti napateg nga akem dagiti mannalon iti sektor ti agrikultura. Binigbigna pay ti potensial ti panagmula ti niog iti Cordillera.
Kinunana a silulukat ti Philippine Coconut Authority a mangipaay iti libre a semilia ti niog kadagiti mannalon a kayatda ti agmula. Inawaganna pay ti agtultuloy a suporta manipud kadagiti lokal a gobierno tapno mapadur-as ti industria ti niog iti pagilian.
Source: PIA Benguet
https://www.facebook.com/PIABenguetInfocen/posts/pfbid0e2jcXqRuXtpqdoFCH7yyKZzmePU9snfAoUo1qhADdxbdgaQPsvnCFqkpYmCKBBZnl?rdid=JcIUk7Zx1NgphhBr#
