Naipatungpal a naballigi ti “Oplan Panagsubli” iti Barangay San Rafael West, San Nicolas, Pangasinan idi Mayo 25, 2026 babaen kadagiti personael ti Pangasinan 2nd Provincial Mobile Force Company a kas lead unit, babaen iti panangidaulo ni Richard Q. Agrade, ken kadagiti katulong a yunit a kas iti RID 1, RIU 1, PIU, ken San Nicolas Municipal Police Station.
Babaen iti intelligence-driven operation, maysa a dating miyembro ti Communist Front Organization (CFO) ti nagurnos iti panangibati ti suporta na iti grupo ken nangrugi iti panagbalikna iti sidong ti gobyerno. Kalpasan daytoy, isu ket naikkan ti debriefing ken nagsignar iti pledge of allegiance iti estado.
Kas paset ti panagsubli ken reintegrasyon, naited kenkuana ti tulong a maysa a sako a bigas, groceries a nagduduma a nagbalor iti ₱2,000, ken cash assistance a ₱1,000 manipud iti 2nd Pangasinan PMFC. Kalpasanna, isu ket naiturn-over iti Local Government Unit of San Nicolas tapno maituloy ti monitoring ken suporta.
Sigun kadagiti otoridad, ti Oplan Panagsubli ket mangipakita a ti napigsa a talna ket saan laeng a maipanggep iti seguridad no di ket maibatay met iti asi, pannakaawat, ken gundaway para iti panagbalbaliw. Babaen iti kasta, mapapigsa ti panagkakaysa, pannakaaywan ti komunidad, ken panagibangon iti maysa a natalna ken progresibo a pagilian.
Source: PNP Pangasinan 2nd PMFC, Pangasinan PPO
