Nagginnad a 115 a mangngalap manipud iti nadumaduma a lokal a gobierno iti Ilocos Sur ken dagiti kaabay iti industriya manipud kadagiti nasyonal a ahensiya ken institusion ti nagtitipon idi Mayo 21 idiay Senator Ernesto Maceda Civic Center iti San Esteban, Ilocos Sur para iti maika-69 a Fishery Industry Forum for Stakeholders.
Ti tawen a forum ket nagserbi a plataporma tapno mapapigsa ti panagkaykaysa iti merkado, maipaay ti akses iti pasilidad ti pautang, ken maibingay dagiti pagalagadan maipanggep iti Aquaculture Farm Registration.
Dagiti eksperto manipud iti Bureau of Fisheries and Aquatic Resources (BFAR), National Fisheries Development Center, Department of Agriculture, National Freshwater Technology Center, ken Department of Science and Technology ket nangipaay kadagiti importante a presentasion maipanggep kadagiti programa ken serbisio a maited kadagiti mangngalap, kasta met dagiti linteg maipanggep iti panangsalaknib ken panangipatumpal iti pagalagadan iti fisheries.
Kalpasan dagiti presentasion, naisayangkat ti maysa nga open forum a nangted iti gundaway kadagiti mangngalap a mangsaludsod ken mangipauneg iti pannakaammo da maipanggep iti fisheries ken aquaculture.
Source: PIA Ilocos Region
