Nagdonar iti mangsaklaw a 280sqm ni Mrs. Amie Teehankee ken iti anak na nga ni Mr. Hiroshi Ivan Teehankee ijay Brgy. Ambiong La Trinidad, Benguet tatta laeng nga Mayo 4, 2026.
“We didn’t just want to give. We wanted to help the people and the community,” kinuna iti ag ina iti naipasayangkat nga inagaurial opening ti 75 meters access road iti Brgy. Ambiong a naibangon iti lote nga indonar iti pamiliada. Iti nakuna nga kalsada nga sanikua ti pamilya ti Teehankee ket dakkel ti napasaatna a pagnaan dagiti umili nangruna kadagiti atarigagay a sumarungkar iti publiko a sementeryo ti barangay.
Nangiyebkas met iti naimpusuan a panagyaman da Hon. Mayor Roderick Awingan ken Frederick Tao-ing, Punong Barangay, iti pamilya ti Teehankee kalpasan ti napalaus ti rikna dagiti umili.
Kinuna ni Mayor Awingan nga ipanagan na iti nakuna nga kalsada iti “Teehankee Road” ken naawis met ti pamilya Teehankee nga nang-awat iti Kayabang Award kabayatan iti Foundation Day iti ili. Nakuna met iti maysa a babai a lider nga ni Luz Nabe nga saan da a malipatan nga umili ti kastoy a naparabur nga aramid idinto a kinuna ni Punong Brgy. Tao-ing a nagasat dagiti umili ta adda kaaruba a nangikeddeng a mangibinglay iti paset ti estate da.
Kinomendar met ni Hon. Mayor Awingan dagiti opisyales ti barangay iti panangleppasda iti negosasion para iti pannakayakar ti lote inton agangay iti barangay. Pinunduan ti LGU ti kalsada nga impatungpal ti Municipal Engineering Office.
“The family showed what a deep civic mindedness is all about. Their decision to share a lot is a legacy which we hope would also inspire others to do the same,” nakuna pay ni Hon. Mayor Awingan. Source: Mayor’s Office- La trinidad https://www.facebook.com/share/p/1EZXhpR9mW/
