Nagtultuloy ti dinupudop a sitwasyon iti maysa a bus terminal ditoy ciudad kas dagiti turista ken pasahero ket agaawid iti nagtaudan da kalpasan ti selebrasyon ti Semana Santa 2026.
Manipud iti agsapa agingga iti malem, naobserbaran ti umadu a bilang dagiti pasahero a nagur-uray iti pila tapno makasakay iti sumagmamano a bus nga agturong kadagiti nadumaduma a probinsya ken siudad. Nupay kasta, nagtalinaed a kontrolado ti sitwasyon gapu iti naurnos a panangimanehar dagiti otoridad iti terminal.
Dagiti mangimaton iti terminal ket nangipatungpal iti umno a crowd control measures ken nangipaay iti tulong kadagiti pasahero tapno masigurado ti natalged ken nasayaat a panagbiyahe. Nadagdagan pay dagiti biyahe ti bus tapno maserbiran dagiti umadu a pasahero iti daytoy a panawen.
Iti sabali a bangir, pinalagipan dagiti pasahero a mangipakita iti disiplina ken panagtitinulong tapno mapagtalinaed ti kaurnosan iti terminal. Inyapela met dagiti otoridad ti panangisurot iti amin a pagalagadan iti panagbiyahe.
Agsipud ta agsubli ti kadawyan a biyahe dagiti tattao kalpasan ti Semana Santa, inaasahan a agtultuloy pay laeng ti dinupudop a sitwasyon kadagiti sumaganad nga aldaw ngem adda ti kasiguraduhan a nakasagana dagiti ahensya tapno mangipatuloy iti nasayaat a serbisyo iti publiko.
Source: Bombo Radyo La Union
