Nagtipon dagiti youth volunteers ken barangay responders iti probinsia tapno pasayaaten ti kahandaan iti kalamidad babaen ti “Fire and Rescue Olympics” nga inorganisa ti provincial government iti pakikipag-partner iti Bureau of Fire Protection (BFP) idi March 30-31.
Adda 25 a siudad ken munisipalidad ti nakipartisipar iti aktibidad a nangipakita kadagiti praktikal a drills kas iti fire suppression, rescue operations, ken emergency coordination. Naitampok met dagiti relay challenges a nangsubok iti kinapaspas, panagkaykaysa, ken panagdesisyon iti oras ti krisis.
Nangabak ti team ti Vigan City, sinundan dagiti Quirino, Narvacan, Bantay, ken Caoayan. Naiparang dagiti cash incentives ken espesyal nga awards para iti teamwork ken disiplina.
Segun ken Gobernador Jeremias Singson, ti aktibidad ket saan laeng a kompetision no di ket panangipasayaat iti kahandaan dagiti umili kontra iti kalamidad.
Source: PIA Ilocos Sur
