Nangrugi ti dredging operation idi Marso 17 iti Sitio Punta, Barangay Cabittaogan, Santa Catalina, Ilocos Sur.
Daytoy ket pinangunahan ti provincial government ti Ilocos Sur ken dagiti lokal a pamahalaan ti Vigan City ken Santa Catalina, iti pannakikadua ti Department of Public Works and Highways (DPWH), kas paset ti pannakaipatungpal ti Oplan Kontra Baha.
Ti proyekto ket naggapu iti panggep a mangikkat kadagiti naurnos a buhangin, dakkel a putik, ken dagiti debris a manglapped kadagiti daluyan ti danum, a mangpataas iti peggad ti panaglayos kadagiti asideg a coastal communities, ken tapno maprotektaran met ti pagbiagan dagiti residente.
Segun kenni Director Toribio Noel Ilao ti DPWH-Bureau of Equipment, dagiti makolekta a putik ken buhangin ket maurnos ken maipatang iti asideg ti dredging sites. Impasigurado met ti lokal a pamahalaan ti Santa Catalina a dagitoy ket mausar laeng para kadagiti proyekto ken kasapulan ti ili.
Kinuna ni Ilao a prioridad da ita dagiti lugar a naapektaran dagiti karayan a Govantes ken Mestizo, a nangiturong iti dakkel a panaglayos. Inawisna met ti panagtulong dagiti LGUs iti panaglinis kadagiti drainage system ken kanal, ken ti panagtulnog dagiti umili iti umno a panangibelleng ken panangimanehar iti basura tapno saan a maipon kadagiti daluyan ti danum.
Target ti gobyerno a malpas ti dredging operation iti uneg ti dua agingga tallo a tawen.
Impanamnama met ni Governor Jeremias Singson a dagiti mangingisda a maapektaran ti proyekto ket makagun-od iti tulong manipud iti provincial government.
Source: PIA Ilocos Region
