Aabangan ti Baguio-Benguet Muslim community ti opisyal a panagpatingga ti Eid al-Fitr babaen iti moonsighting a maaramid inton bigat.
Segun kenni Imam Shamshodin Monib, mangaramidda iti panangbantay iti bulan sakbay a lumubog ti init kas paset ti tradisyonal a panangipatalged iti panagpatingga ti Ramadan. Inaasahan a mabalin a makita ti bulan no umannay ti panagparabor ti tiempo.
Kabilang kadagiti napili a lugar para iti moonsighting dagiti baybay iti San Fabian ken Bauang, a mangipaay iti nalawag a pannakakita iti langit iti laud.
Kabayatanna, dagiti aktibidad para iti panagselebrar ti Eid al-Fitr ti komunidad ket maaramidto idiay Melvin Jones Grandstand iti Baguio City. Inaasahan ti panagpartisipar dagiti kameng ti Muslim community manipud iti nadumaduma a paset ti Benguet ken dagiti asideg a lugar.
Ti Eid al-Fitr ket maysa a napateg a selebrasion para kadagiti Muslim iti entero a lubong, a mangipakita iti panagpatingga ti nasantuan a bulan ti Ramadan.
Source: Bombo Radyo Baguio
