Inyebkas ti local government ti Baguio City a mabalin nga ag-open manen iti public market redevelopment project para iti baro a proposal, kalpasan nga inikkat ti SM Prime Holdings, Inc. iti multi-billion peso a proyekto.
Sigun ken Mayor Benjamin B. Magalong, mabalin a maipablaak dagiti terms of reference ti proyekto tapno ag-aplikar dagiti baro a bidders ken mabalin nga isumiti dagiti proposal dagiti interesado a private groups para iti redevelopment ti public market.
Imbagana a business decision ti SM ti makagapu a nai-withdraw da ti proposal da, ngem sigun kaniana ket nalabsan a gundaway para iti siyudad a mapapintas ti public market.
Uray kasdiay, kinuna ti mayor a determinado latta ti siyudad a ituloy ti proyekto. Naibilinna ti city council ti Committee on Market, Trade, Commerce and Agriculture a mangited kadagiti rekomendasion iti sumaruno a dua a lawas.
Rinumuar a ti makagapu ti panagwithdraw ti SM ti proposal da ket saan nga agkakasundo dagiti city officials, vendors, ken daduma a stakeholders iti kasasaad ti proyekto, ngem nangipakita latta ti SM ti suporta para iti sumaruno a plano ti siyudad para iti pannakapasayaat ti ekonomiya.
Kinuna ni Magalong a ti panaglukat manen ti proyekto ket mangted ti oportunidad kadagiti cooperatives ken vendors a makipaset iti redevelopment, ken saan a kasla agmula iti awanan, ta adda metten dagiti terms ti proyekto a naisagana.
