Nakemmeng ti maysa a lalaki nga agtawen iti 32, maysa a kargador ken residente ti Fatima St., Aurora Hill, Baguio City babaen iti buy-bust operation a naisayangkat idiay Brgy. Lower Magsaysay, Baguio City, ita nga aldaw, Hulyo 18.
Kinumpiska dagiti otoridad ti dua a heat-sealed transparent plastic sachet a naglaon iti agarup 0.5 grams a mapapati a shabu nga aggatad iti P3,500.
Naipasidung meten iti kustodiya dagiti kapulisan ti nasao a suspek ken posible a mapilaan daytoy iti kaso a pananglabsing iti Republic Act No. 9165 wenno Comprehensive Dangerous Drugs Act of 2002.
Balligi ti nasao nga operasyon babaen iti Baguio City Police Office-Station 7 Drug Enforcement Unit.
Source: Bombo Radyo Baguio
