Nadunor ti maysa a drayber ti motorsiklo kalpasan a madungpar daytoy ti SUV idiay Sta. Cruz, Ilocos Sur.
Ti nadunor a drayber ti motorsiklo ket agnaed iti Barangay Guimod Sur, San Juan.
Nairaman pay iti aksidente ti maysa nga SUV a minaneho ti lalaki nga agtawen iti uppat a pulo ket uppat, agnaed iti Barangay Lalong.
Maibasar iti imbestigasion, agpada nga agpapa-abagatan dagiti dua a lugan idin ta nagsikko iti kannigid ti motorsiklo, isu a nadungpar daytoy ti SUV.
Gapu iti kapigsa ti panagdinnungpar, naipurwak ti drayber ti motorsiklo ket nakaro ti pannakadunorna isu a naitaray iti ospital para iti pannakatamingna.
Saan met a naan-ano ti drayber ti SUV ken dagiti inluganna.
Source: Bombo Radyo Vigan
