Labing-isang (11) benepisyaryo ng Government Internship Program (GIP) ng Department of Labor and Employment (DOLE) ang tumanggap ng kanilang sahod nito lamang Hulyo 17, 2025 sa Pavilion 1 ng Saint Vincent Ferrer Prayer Park sa Bayambang, sa tulong ng Public Employment Services Office (PESO).
Ayon sa PESO-Bayambang, bawat intern ay binayaran ng Php468 bawat araw sa loob ng tatlong buwang pagtatrabaho sa ilalim ng programa.
Layunin ng DOLE-GIP na bigyan ng pansamantalang trabaho at makabuluhang karanasan ang mga benipisyaryo. Sa tulong ng internship na ito, nagkaroon sila ng pagkakataong makapaglingkod sa pamahalaan habang pinaghahandaan ang mas matatag na karera sa hinaharap.
Source: Balon Bayambang
