Naaresto ti maysa a South Korean a lalaki a wanted ti panangallilaw o fraud idiay pagilianna, kalpasan a nadiskubre a nagparang isuna a Pilipino idiay Alaminos City, Pangasinan.
Segun iti Bureau of Immigration (BI), napasamak ti panangaresto idi Pebrero 26 idiay Barangay Palamis.
Inlawlawag ni Immigration Commissioner Joel Anthony Viado a ti suspek ket ni Moon Hayoung, 40 anyos. Idi naaresto isuna, nasarakan kenkuana ti maysa a Philippine passport a napalsipika a nakaipapan iti nagan a Jonathan Martinez Park, nga inusarna tapno makapagbiag kasla Pilipino.
Segun iti BI, ni Moon ket adda iti Interpol Red Notice kalpasan ti arrest warrant manipud iti Suwon District Court idiay South Korea gapu iti kaso ti panangallilaw. Isuna ket mapabasol iti panaglabsing iti Article 347(1) ti Korea Criminal Act.
Dagiti imbestigasyon ket mangipakita a ni Moon ket nangirugi iti voice phishing operation idi 2017. Ti grupo na ket nagparang a mangipakpakita a empleyado ti maysa a dakkel a bangko idiay Korea tapno allilawen dagiti biktima.
Umabot iti agarup USD 840,000 ti kwarta a naallilaw manipud kadagiti biktima, ken ni Moon ti maibilang a lider ti sindikato.
Kinuna ni Commissioner Viado a dagiti ganggannaet a mangusar iti palsipikado a identidad tapno liklikan ti aresto ket maibusor iti naan-anay a pwersa ti linteg. Nainayon na a saan a palubosan ti gobyerno a maabuso dagiti bisita iti pagilian iti kina-naimbag ken sistema ti linteg ti Pilipinas.
