ndauloan iti TESDA Regional Office I iti panaglukat ti 2026 Regional Skills Olympics idiay SM City La Union idi kalman, Hunyo 2, nga agpaut agingga Hunyo 4.
Kinuna ni TESDA Regional Office I Director Ramon Evan T. Ruiz a ti tallo-aldaw a kompetisyon ket pakisalipan dagiti 33 a talented youth students manipud kadagiti nagduduma a Technical-Vocational Education and Training (TVET) institutions ti intero a Rehiyon Uno.
Ipamatmat dagiti makisalip iti paglaingan da kadagiti 15 a nagduduma a skill areas: Fashion Technology, Forestry, Graphic Design Technology, Carpentry, Electrical Installations, Landscape Gardening, Wall & Floor Tiling, Welding, Bakery, Beauty Therapy, Cooking, ken Hair Dressing.
Dagitoy met a skill areas ket iti sidong dagiti lima (5) a kangrunaan a sektor: Creative Arts and Fashion, Construction and Building Technology, Manufacturing and Engineering Technology, Social and Personal Services, ken Transportation & Logistics.
Segun kenni Ruiz, dagiti mangabak para ti Regional Skills Olympics ket maaddaan ti oportunidad nga ibagi ti Rehiyon Uno iti National Skills Competition a naka-schedule inton Hulyo ita a tawen 2026.
Innayon na pay a dagiti national winners ket isu metten iti mangibagi iti Pilipinas para ti international skills competitions a kas ti WorldSkills Competition idiay China ken iti ASEAN Skills Competition a maangay idiay Indonesia.
Impaganetget ni Ruiz a saan nga amin a karera ket agkasapulan ti professional degree courses agsipud ta adu nga industriya ti agtultuloy iti panagsapol kadagiti technical-vocational skilled workers.
Inyunay-unay na a ti technical-vocational education ket makatulong a mangpapigsa iti ekonomiya ti pagilian babaen iti panagkissay ti bilang iti unemployment ken underemployment bayat a makaipapaay ti oportunidad para kadagiti nagturpos.
Ti agdama ket mangidiay-diaya ti TESDA ti agarop 200 a skills training programs, agraman dagiti online courses, TESDA-accredited training programs, ken scholarship opportunities para kadagiti kwalipikado nga indibidwal.
Source: Bombo Radyo La Union
