Inangayan ti Philippine Statistics Authority–La Union (PSA-RSSO 1) ti panagpasardeng ti 36th Civil Registration Month iti opisina da idiay Siudad ti San Fernando, a nangipakita iti kinapatag ti civil registration tapno masalakniban ti legal a pagkakakilanlan ken karbengan ti tunggal Filipino.
Tunggal Pebrero, iparangarang ti Civil Registration Month no kasano a dagiti birth, marriage, ken death records ket patig iti panag-access ti edukasyon, salun-at, social protection, pagtaengan ti pagtaudan, ken dadduma pay a serbisyo. Dagitoy met ket mangted iti husto a datos iti lokal a gobyerno tapno masapul a maurnos ti plano ken polisiya iti probinsia.
Iti programa, impakaammo dagiti opisial ti PSA-La Union dagiti baro a vital statistics iti probinsia, kas kadagiti updates iti civil registration, vital statistics, ken National ID authentication services. “Dagitoy a report ket para iti transparency ken panakaammuan dagiti stakeholders iti datos iti La Union maipanggep iti birth, death, marriage, ken dadduma pay a civil registration matters,” kinuna ni Ms. Decemae Daoa, PSA Regional Birth Registration Coordinator.
Tapno mas maammuan ti publiko, libre a flyers ken brochures a naglaon iti lokal ken rehional a statistics ti naited kadagiti dumalo iti entrance ti conference hall, a mangipakita ti dedikasyon ti PSA-La Union iti panakaammuan ti komunidad ken inclusive development.
Source: PSA – Region 1
