Kas paset ti panangselebrar ti National Women’s Month, nangidaulo ti Bureau of Fisheries and Aquatic Resources–Regional Fisheries Office 1 (BFAR RFO1) iti Seafood Kadiwa idi Lunes, Marso 9, iti covered court ti Commission on Audit (COA) Regional Office 1 ditoy San Fernando City, La Union.
Ti aktibidad ket nangited iti maysa a plataporma kadagiti lokal nga agri-fisheries entrepreneurs tapno maiparang ken maipromote dagiti produkto da nga ikan ken sabali pay a produktong pang-pangisdaan, kasta met a manglukat iti ad-adu a gundaway iti merkado para kadagiti bassit nga agproprodyuser ken mangngalap iti ikan iti rehion.
Babaen ti panangiyasideg kadagiti agproprodyuser kadagiti konsumidor, ti inisyatiba ket makatulong iti panangpapigsa iti lokal a sistema ti makan ken panangsuporta iti panagdakkel dagiti community-based enterprises.
Malaksid kadagiti benepisio iti ekonomia, ti okasion ket nangiparangarang met iti napateg a kontribusion dagiti babai iti panangidur-as ti agri-fisheries. Dagiti babai ket addaan iti napigsa a papel saan laeng iti panaglako ken panagmarket kadagiti produkto no di ket iti panangiturong iti commercialization, value-adding, ken panangisigurado iti napateg ken nasustenir a panagaramid kadagiti produktong pang-pangisdaan iti komunidad da.
Kinuna ti BFAR a ti daytoy nga inisyatiba ket mangipakita iti tuloy-tuloy a komitment ti ahensia a mangpabileg kadagiti babai iti sektor ti pangisdaan babaen iti panangipaay iti pangbiagan a gundaway, panangipromote iti lokal a produkto, ken panangpapigsa iti papel dagiti babai iti panangbangon kadagiti napigsa ken resiliente a komunidad iti baybay ken agrikultura.
