VIGAN CITY, Ilocos Sur — Target ti Department of Social Welfare and Development (DSWD) a maipatarus ti P5,000 cash relief assistance iti 1,313 a tricycle drivers ditoy Vigan City idiay Abril 8, babaen ti Assistance to Individuals in Crisis Situation (AICS) nga programa.
Ti tulong ket maited kas panangsuporta kadagiti PUV drivers a naapektaran ti agtultuloy a panagngato ti presyo ti petrolyo. Nabatay dagiti benepisyario iti verified a listaan dagiti lehitimo a drivers manipud kadagiti LGU ken LTFRB.
Segun kenni DSWD Field Office 1 Regional Director Marie Angela Gopalan, addaan pay sabali a payout kadagiti drivers a ma-certify dagiti TODA ken LGU a rehistrado ken adda valid a lisensya.
Maipapatumpal met ti payout iti sabali a siudad iti rehiyon, agraman ti Candon City nga agserbi iti 1,980 a drivers agingga inton bigat.
Source: PIA Ilocos Sur
