Nangted ti Department of Migrant Workers (DMW), babaen iti Pamahalaang Panlalawigan ti Nueva Vizcaya (PLGU), iti tulong pinansyal a Php1.91 milyon para kadagiti overseas Filipino workers (OFWs) ken dagiti pamilia da iti nasao a probinsya. Ti aktibidad ket pinanguloan ni Undersecretary Bernard Olalia ti DMW, a nangipakita ti nainget a pannakaasikaso iti kasasaad dagiti OFW.
Ti naited a tulong ket naggapu kadagiti nadumaduma a programa ti ahensya. Iti babaen ti Enhanced Livelihood Assistance Program, uppat a benepisyario ti nakatanggap iti tig-Php15,000 a mangrugi wenno mangipalawa kadagiti proyektoda a pangkabuhayan. Daytoy ket nangipaay iti baro a gundaway kadakuada tapno mapapigsa ti bukodda a pagkakitaan.
Iti sabali a bangir, babaen ti Agarang Kalinga at Saklolo para sa mga OFWs na Nangangailangan (AKSYON) Fund, sangapulo a benepisyario a addaan kadagiti nadagsen a sakit ti nakatanggap iti tig-Php75,000 a tulong medikal. Naited met laeng ti tulong pampalibing a tig-Php100,000 kadagiti sangapulo ket maysa a pamilya, kas suporta iti panawen ti rigat ken pannakaisakit.
Kinuna ni Usec Olalia ti kinapateg ti pannakaammo iti husto a panangi-manage iti kuarta, tapno dagiti padala dagiti OFW ket agbalin a napaut a pamuhunan ken saan laeng a panandalian a paggastuan. Segun kenkuana, daytoy ket maysa a napateg a tukad tapno maisalin ti kita iti napagtalinaed a kabuhayan ken panagdur-as.
Pinadayawna met ni Gobernador Jose Gambito gapu iti panangipatungpalna iti programa ti financial literacy para kadagiti OFW, a maibilang a nasayaat a pagwadan para kadagiti dadduma a lokal a gobyerno. Nainayon pay a naiparang-ay ti Nueva Vizcaya OFW Welfare Center, a mangipaay iti nalaka a panagserbi kadagiti OFW ken pamilia da babaen iti nadumaduma a programa ken serbisyo ti DMW ken Overseas Workers Welfare Administration (OWWA).
Source: XFM Santiago
