Nangrugi ti Philippine Navy iti pormal nga imbestigasion maipapan iti ipapatay ni Officer Candidate Aldwayne Dulnuan, maysa nga trainee a natay idi Hulyo 22, 2026, kabayatan ti naval training idiay San Antonio, Zambales. Ti imbestigasion ket mangbukel iti amin a kinapudno maipapan iti napasamak ken mangurnos kadagiti ebidensia a mausar iti pannakaammo iti pudno.
Segun iti Philippine Navy, narikna ni Dulnuan ti nakaro a pannakaulaw ken panagtigerger sakbay a nagcollapse. Dagiti medical personnel ti Navy ket dagus a nangted iti first aid idiay 𝘕𝘚𝘓𝘎 𝘔𝘦𝘥𝘪𝘤𝘢𝘭 𝘋𝘪𝘴𝘱𝘦𝘯𝘴𝘢𝘳𝘺 sakbay da nga impan idiay San Marcelino District Hospital, a nangrugi iti pannakausisa iti kasasaadna. Kalpasan dayta, naipan iti Ulticare Medical Center para iti ad-adda a panagagas.
Imbaga ni Philippine Navy Spokesperson Capt. Marissa Martinez a ti umuna a medical assessment ket nangipakita iti posibilidad ti heat exhaustion, electrolyte imbalance, ken dadduma pay a kondisyon. Ngem iti maudi, naibaga a ti medical cause of death ket nakaro nga impeksiyon a nakaapekto iti central nervous system ken respiratory system.
“𝘋𝘦𝘴𝘱𝘪𝘵𝘦 𝘳𝘦𝘤𝘦𝘪𝘷𝘪𝘯𝘨 𝘤𝘰𝘯𝘵𝘪𝘯𝘶𝘰𝘶𝘴 𝘮𝘦𝘥𝘪𝘤𝘢𝘭 𝘤𝘢𝘳𝘦, 𝘖𝘧𝘧𝘪𝘤𝘦𝘳 𝘊𝘢𝘯𝘥𝘪𝘥𝘢𝘵𝘦 𝘋𝘶𝘭𝘯𝘶𝘢𝘯 𝘸𝘢𝘴 𝘱𝘳𝘰𝘯𝘰𝘶𝘯𝘤𝘦𝘥 𝘥𝘦𝘢𝘥 𝘢𝘵 12:53 𝘱.𝘮. 𝘰𝘯 𝘑𝘶𝘭𝘺 22, 2026. 𝘛𝘩𝘦 𝘮𝘦𝘥𝘪𝘤𝘢𝘭 𝘤𝘢𝘶𝘴𝘦 𝘰𝘧 𝘥𝘦𝘢𝘵𝘩 𝘸𝘢𝘴 𝘪𝘥𝘦𝘯𝘵𝘪𝘧𝘪𝘦𝘥 𝘢𝘴 𝘢 𝘴𝘦𝘷𝘦𝘳𝘦 𝘪𝘯𝘧𝘦𝘤𝘵𝘪𝘰𝘯 𝘢𝘧𝘧𝘦𝘤𝘵𝘪𝘯𝘨 𝘵𝘩𝘦 𝘤𝘦𝘯𝘵𝘳𝘢𝘭 𝘯𝘦𝘳𝘷𝘰𝘶𝘴 𝘴𝘺𝘴𝘵𝘦𝘮, 𝘸𝘪𝘵𝘩 𝘢 𝘤𝘰𝘮𝘱𝘳𝘰𝘮𝘪𝘴𝘦𝘥 𝘳𝘦𝘴𝘱𝘪𝘳𝘢𝘵𝘰𝘳𝘺 𝘴𝘺𝘴𝘵𝘦𝘮,” kinuna ni Capt. Martinez.
Kinuna pay ni Capt. Martinez a naurnos ken nawaya ti pannakausisa iti insidente, ken amin nga ebidensia ket maadal a naimbag tapno mabigbig ti pudno. Inted met ti Philippine Navy ti nauneg a pannakipagrikna iti pamilya ni Dulnuan ken impakaammona a mangituloy iti pannakatulong ken suporta kadakuada iti daytoy a panagladingit.
Kabayatan a maipapatuloy ti imbestigasion, agtalinaed ti pamilya ni Dulnuan iti panangdawat iti naan-anay ken independiente nga imbestigasion tapno maammoan ti amin a paset ti insidente ken maipaay ti hustisia no aniaman ti risulta ti pannakausisa.
Source: PTV (https://www.facebook.com/share/p/18XSdj91vq/)
