Tallo nga indibidual ti nadunor iti panagdinnungpar ti traysikel ken motorsiklo idiay Barangay Namalpalan, Magsingal, Ilocos Sur.
Ti traysikel ket minaneho ti lalaki nga agtawen iti tallopulo ket lima, taga-Barangay Puro, Magsingal, inluganna dagiti dua a pasahero.
Ti met motorsiklo ket minaneho ti lalaki a taga-Vigan City.
Maibasar iti imbestigasyon, agpapa-amianan ti traysikel idinto nga agpapa-abagatan met ti motorsiklo.
Immagaw ti traysikel iti linya ti motorsiklo isu a nagdinnungparda.
Naipaagas dagiti dua a drayber ken dagiti pasahero ti traysikel para iti naan-anay a pannakatamingda.
Source: Bombo Radyo Vigan
