BAGUIO CITY — Iti panangsuporta iti inisyatiba ti siudad a Smoke-Free, opisyal a nangrugi ti University of Baguio iti “Project Safe Drop.”
Adda walo (8) a naitalaga a drop boxes iti uneg ti kampus a mangtulong iti panangipasurrender dagiti estudyante iti sigarilyo, e-cigarettes, ken dadduma pay a maiparit a banag iti natalged ken awan parusa a wagas. Mabalin a usaran dagiti estudyante dagiti Safe Drop Boxes sakbay a sumrek iti unibersidad.
Babaen daytoy nga inisyatiba, tarigagay ti Project Safe Drop a palagipen ken guyugen dagiti estudyante a mangaramid iti responsable a desisyon para iti nasaysayaat a salun-at ken natalged a komunidad a Smoke-Free.
Daytoy a programa ket paset ti panagtulnog ti unibersidad iti panangsalaknib iti kinaimbag ti salun-at dagiti estudyante ken empleyado, kasta met iti panangitag-ay iti nasayaat a kapaligiran iti kampus.
Source: Baguio City PIO
