Sinimulan na ng Municipal Social Welfare and Development Office (MSWDO) ang pamamahagi ng social pension para sa unang quarter ng taon noong Marso 26, 2025.
Ang unang payout activity ay ginanap sa Barangay Inanlorenza Covered Court, kung saan daan-daang kwalipikadong senior citizen mula sa Barangay Idong, Sanlibo, at Inanlorenza ang nakatanggap ng kanilang pensyon.
Magpapatuloy ang payout activity hanggang Biyernes, Marso 28, 2025, sa iba’t ibang itinakdang venue upang masigurong lahat ng benepisyaryo ay makatatanggap ng kanilang pensyon.
Ayon sa MSWDO, ang social pension ay isang programa ng gobyerno na naglalayong magbigay ng pinansyal na suporta sa mga mahihirap at kwalipikadong senior citizen upang matulungan sila sa kanilang pang-araw-araw na pangangailangan.
Source: Balon, Bayambang
