Pinangunahan ng Cagayan Valley Center for Health Development (CVCHD) at Cagayan Valley Medical Center (CVMC) ang paglulunsad ng apat na araw na Inter-agency training ukol sa Mental Health and Psychosocial Support (MHPSS) nitong Martes, Hulyo 15, 2025.
Ayon kay Dr. Adelina Acosta, hepe ng Non-Communicable Diseases (NCD) Cluster at Medical Officer IV, kailangang pagtibayin ang pananaw na ang mental health ay kasinghalaga ng pisikal na kalusugan.
Nanguna naman sa isinagawang pagsasanay ang mga eksperto mula Department of Behavioral Medicine ng CVMC na sina Dr. Ethel Maureen Pagaddu, Mr. Monte Carlo Orosco, Ms. Corazon Gallebo, at Ms. Cristina Vatan na sama-samang nagturo kaugnay sa kahusayan sa larangan ng mental health, MHPSS framework, pag-unawa sa vulnerable groups, at pag-manage ng burnout sa hanay ng mga frontline workers.
Kabilang sa mga lumahok ay ang mga kinatawan mula sa Department of Education (DepEd), Department of Social Welfare and Development (DSWD), Bureau of Jail Management and Penology (BJMP), Bureau of Fire Protection (BFP), Technical Education and Skills Development Authority (TESDA), Philippine Association for Counselor Education (PACI), Commission on Human Rights (CHR), Department of the Interior and Local Government (DILG), City Health Office–Tuguegarao, at iba pang stakeholders.
Layunin ng pagsasanay na palalimin ang kaalaman ng mga kalahok patungkol sa mental health, itaguyod ang kahalagahan nito kasabay ng pisikal na kalusugan, at palakasin ang kakayahan ng institusyon sa pagtugon sa mga krisis.
Source: DOH Cagayan Valley
