Balligi a sinelebraran ti Munisipyo ti Bokod, Benguet ti maika-11 Liberation Day dagitoy ita nga aldaw.
Addan daytoy iti tema A Valor of Heroes, Legacy for Future Generations.
Kagidan dayta, nainagunaran metlaeng ti umuna a World War II Veterans Marker a maibilbilang kas simbolo ti kinabanwar, kinatured ken sakripisyo dagiti beterano a suldalo ti Bokod Benguet.
Indauloan ni Mayor Erik Donn Ignacio ti nasao a selebrasion ken dinar-ayan daytoy dagiti pamilya, annak ken appo dagiti beterano.
Naimatangan met ditoy ti presensya da Benguet Vice Governor Marie Rose Fongwan Kepes , Boarding Member Charmaine Molintas ken amin a municipal officers ti Bokod.
Kabayatanna napadayawan met laeng ditoy dagiti 355 nga indibidual a buklen ti 318 Descendants of WWII Veterans, 26 a bolo men ken 11 a civilian employee.
Sigun kenni Mayor Erik Donn Ignacio, napateg ti pananglagip iti Liberation Day saan laeng a tapno padayawan dagiti beterano gapu iti kinabanwar ken sakriposyoda nu diket tapno pagyamanan ken ragsaken ti kinatalna ken panagkakadwa nga inbati dagitoy kasukat ti biyagda.
Innayon na pay a mabalin nga agserbi iti pagilian ti tunggal maysa uray awanan dagitoy iti posisyon iti gobyerno wenno paset ti militar.
Source: Bombo Radyo Baguio
