Agtultuloy latta ti panagmonitor ti lokal a gobyerno ti Munisipyo ti La Trinidad idiay Bolo Creek gapu iti epekto ti Tropical Cyclone Inday.
Kagidan dayta, naituding a mangipatungpal ti Municipal Environment and Natural Resources Office ti dredging operation inton bigat, Hulyo 11 iti nasao a pasdek kadua ti Department of Public Works and Highways (DPWH)- Benguet 1st District Engineering Office.
Nangikomit met ti nasao a DPWH Office iti maysa a dump truck para iti nasao nga aktibidad.
Nangikomit metlaeng ti Benguet Disaster Risk Reduction and Management Office ti maysa pay a truck a tumulong para iti nasao nga aktibidad.
Kabayatanna, ginuyugoy ti lokal a gobyerno ti La Trinidad ti publiko a makipasetda iti panangtalinaed ti kinadalus ti Bolo Creek ken dadduma a waig idiay babaen iti proper waste management kadagiti pagtaengan dagitoy.
Source: Bombo Radyo Baguio
