Maysa kadagiti tampok iti selebrasion ti ika-128 nga Aldaw ti Kalayaan ti Kadiwa ti Pangulo Fair idiay SM City Tuguegarao, a nangipakita kadagiti presko, de-kalidad, ken abot-kayang a lokal a produkto manipud kadagiti mannalon ken organisasyon ti komunidad.
Maawis dagiti umili a suportaan ken tangkilikin dagiti produkto nga inted dagiti 15 a partner associations babaen iti pannakitinnulong ti Department of Trade and Industry (DTI), Department of Agriculture (DA), ken Department of Labor and Employment (DOLE).
Panggep ti programa ti mangted iti gundaway kadagiti lokal a mangipapaay ti produkto, mannalon, ken babassit a negosyante tapno mapabileg ti pakakitaan da ken mapalawa ti pagmerkadoan dagiti produkto da.
Iti tunggal panaggatang iti Kadiwa ti Pangulo Fair, makatulong tayo iti panangpapigsa iti lokal a kabuhayan ken iti panangipangato ti panagdur-as dagiti komunidad. Agbalin daytoy a maysa a wagas ti panangsuporta kadagiti lokal a mangipapaay ken mangipakita iti kinapateg ti panagtitinnulong tapno maitag-ay ti mas napigsa ken nauneg a ekonomiya iti rehion dos.
Source: PIA Cagayan Valley
