Pormal a naipila iti Sangguniang Panlalawigan ti Proposed Provincial Ordinance No. 58-2026 a mangitakder iti pannakaitalaga ti amin a Capitol Complex idiay Lingayen kas “Capitol Estate.” Segun kenni Vice Governor Mark Lambino, daytoy a panukala ket mangted iti nalawag a depinisyon ken saklaw ti lugar tapno maurnos ken mapapigsa ti panangimanehar ken panangpaay kadagiti serbisyo publiko.
Saklaw ti “Capitol Estate” dagiti kangrunaan a pasilidad kas ti Capitol Park, Malong ken Palaris Buildings, Capitol Hotel, Pangasinan Polytechnic College, Urduja House, ken Narciso Ramos Sports and Civic Center. Panggep ti ordinansa a mapagbalin a mas sistematiko ti administrasyon, regulasyon, ken panangpaay iti pondo para iti maintenance ken seguridad.
Iti agdama, adda pay laeng iti panagadal ken panangirugi ti deliberasyon ti panukala iti Sangguniang Panlalawigan sakbay a maaprobar ken maisabatas. Inaasahan a ti “Capitol Estate” ket agbalin a sentro ti serbisyong administratibo, edukasyon, turismo, ken komersyo iti probinsia ti Pangasinan.
Source: Bombo Radyo Dagupan
