Iti panangselebrar iti Rabies Awareness Month, ti Ilocos Center for Health Development (CHD), iti pannakikadua ti Lokal a Gobierno ti Infanta ken ti Infanta Rural Health Unit, nangidaulo iti maysa a “unified community action” tapno mapapigsa pay ti panangsalaknib ken panangkontrol iti rabies iti komunidad.
Inted ti Ilocos CHD ti teknikal a giya ken nangipatungpal iti maysa a lektura maipapan iti panakaipasa ti rabies, pananglapped ken panangsalaknib, responsableng panangaywan iti ayup, ken umno a panangtratar iti kaso ti pannakagat ti ayup. Dagiti nakipasit ket nakipaset met iti panagplano iti aksyon tapno mapapigsa dagiti lokal a estratehiya ken masigurado ti tuloy-tuloy a panangipatungpal iti programa kontra rabies.
Nagbanag ti aktibidad iti panagpirma iti “Pledge of Commitment,” a mangipakita iti napigsa a panagkaykaysa ken panagtitinulong dagiti amin a stakeholder tapno magun-od ti maysa a rabies-free a komunidad.
Source: DOH Region 1
