Natalged a nairespondean ti insidente ti grass fire iti Mt. Kabunian idi Abril 2, 2026, a nangapektar iti 18 a local tourists, gapu iti napardas ken koordinado a panagresponde dagiti otoridad ken emergency teams.
Sigun iti impormasion, naawat ti umuna a report iti maik-6:50 iti rabii babaen iti Bakun MDRRMC bulletin ken radio communication. Naapektaran ti 18 a turista: 11 a turista a kadua dagiti dua a tour guide ket naitalinaed iti summit, kabayatan a pito (7) a turista ken maysa (1) a guide ket nairuar/na-stranded iti Station 12 iti foot trail. Gaputa umay-umay ti apuy a suminaog a mapan iti campsite, dagiti emergency response teams ket dagus a rumesponde tapno maprotektaran ti biag dagiti apektado.
Dagiti sangkailian a grupo a kabilangan ti BFP personnel, Bakun MPS, MDRRMO, barangay officials, ken local tour guides ket dagus a naipatulod iti operasyon. Naabot ti rescue team ti Station 12 iti maik-11:27 iti rabii, ken nairugi ti panagpanaog kadagiti walo (8) a nairur-ruar a pasahero maik-11:40 iti rabii. Agingga maik-2:45 iti bigat ti Abril 3, 2026, dagiti narescue ket naipapan a natalged idiay Barangay Hall.
Kabayatan daytoy, babaen iti koordinado a panagtrabaho dagiti responders, dagiti 11 a turista a natili iti summit ket naitalged met a na-account ken naevacuate iti Bulisay, Kayapa a kas alternatibo a ruar. Natungpal ti operasyon nga awan ti naireport a dangran wenno namatay, ken amin dagiti naapektaran ket natalged a nairuar iti peligro.
Gapu kadagitoy a pasamak, dagiti Emergency Response Teams ket agtalinaed nga alerto iti panagsalimetmet ti seguridad iti panawen ti Holy Week ken SUMVAC 2026 tapno masigurado ti natalged ken nasayaat a panagserbi iti publiko.
Source: Bakun MDRRM Council
