Naisayangkat ti Graduation Ceremony dagiti 48 a trainees ti TESDA Community-Based Training (CBT), a naglaon iti 25 a graduates ti Dressmaking NC II ken 23 a graduates ti Photovoltaic NC II, kalpasan ti 10 nga aldaw a livelihood training nga inted ti TESDA babaen iti Pangasinan School of Arts and Training (PSAT) idi Hulyo 6, 2026 idiay City Conference Hall, Alaminos City.
Ti programa ket pinanguluan ti City Cooperatives Development Office ken City Social Welfare and Development Office, kas maysa a paset ti panangipatungpal ti local city government ti Alaminos kadagiti programa a mangpabileg iti pagbiagan ken mangparang-ay iti kabaelan dagiti umili.
Babaen kadagitoy a panagsanay, naited kadagiti graduates dagiti adal ken kasanayan a makatulong iti panangbukel iti bukodda a pagkakitaan wenno panangala iti nasaysayaat a pagtrabahuan. Mangipakita daytoy iti naibturan a panagkaykaysa dagiti ahensya ti gobyerno iti panangiparang-ay iti kalidad ti biag dagiti Alaminian babaen iti panangipaay kadagiti napateg a oportunidad iti livelihood ken skills development.
Source: Alaminos PGLU
Insurat ni IlocanoAk
