Inrugian ti Department of Agriculture nga inbingay ti fuel subsidy para kadagiti mannalon iti probinsya ti Nueva Vizcaya kas tulong kadagiti agtalon a naapektaran iti panagngato ti presyo ti petrolyo. Naipatumpal ti umuna a distribusyon idi Abril 15, 2026 idiay Bagabag.
Segun kenni Arsenio Apostol Jr., Chief ti DA Nueva Vizcaya Experimental Station (NVES), immabot iti 1,055 a mannalon ti nakaawat ti tulong nga agkakasta iti nasurok a Php2,325 kada maysa. Daytoy ket paset ti programa ti gobyerno a mangsuporta kadagiti agri-mekanizado a produksyon iti agrikultura.
Impalawag ni Apostol a dagiti kwalipikado laeng a makaawat iti subsidiya ket dagiti nakarehistro iti Registry System for Basic Sectors in Agriculture ken dagiti addaan iti mechanized farm equipment a nairehistro. Dagiti awan iti kastoy a kagamitan ket saan a maibilang a benepisyaryo.
Inayon ti DA a kasalukuyan pay laeng ti panag-validate kadagiti listaan dagiti mannalon iti dadduma pay a munisipyo iti probinsya. Kalpasan ti panangsigurado iti datos, sumaruno met ti panangited ti subsidiya kadagiti maudi a benepisyaryo.
Daytoy a inisyatibo ket naiparangarang kas tulong iti panagpababa iti gastos dagiti mannalon iti panagusar da iti petrolyo, nangruna iti panawen a rumang-ay ti presyo daytoy. Mangnamnama ti ahensya a makatulong daytoy iti panangpatalged iti produksyon ti pagkaing lokal.
Impasingked ti DA a ituloy da ti panangsuporta kadagiti mannalon babaen iti nadumaduma a programa a mangpasayaat iti agrikultura, kas panggep iti napigsa ken napasnek a sektor iti probinsya ken iti entero a pagilian.
Source: DWRV1233.Official
