Nangrugi dagiti nadumaduma a Local Government Units (LGUs) iti probinsya iti panangipaay iti fuel subsidy kadagiti tricycle drivers, mannalon, ken mangingisda tapno matulungan ida iti panagngato ti presyo ti krudo.
Iti Balaoan, nagpaay ni Mayor Carlo Concepcion iti 10 litros a fuel para iti 3,023 a benepisyaryo. Simmurot met ti Santol ken Sudipen iti panangited tulong kadagiti TODA members, jeepney drivers, ken mannalon.
Iti Caba, inwaragawag ni Mayor Genefer Bulao-Madriaga ti pannakaited tulong kadagiti 17 a barangay.
Inyebkas ni Gov. Mario Eduardo Ortega ti panagyaman kadagiti LGUs gapu iti napartak a panagtulong kadagiti umili, a mangipakita iti panagkaykaysa ken panangsuporta iti panagbiag dagiti Elyucanos iti tengnga ti krisis.
Source: Provincial Government of La Union
