Dua a pagtaengan ti nateppang idiay Barangay Pantoc, Narvacan, Ilocos Sur gapu iti napigsa a dalluyon nga epekto ti awan sarday a tudo.
Iti pannaki-uman ti Bombo Radyo Vigan ken ni Barangay Captain Melchor Baltazar Baptista, sangapulo ket tallo a pamilia ti naibakwit manipud iti nasao a coastal barangay para iti kinatalgedda a dagitoy ket nagtalinaed iti kapilia.
Malaksid kadagiti dua a pagtaengan a nateppangen ket adda pay sumagmamano a matepteppang.
Sangapulo ket maysa met a pamilia ti naapektaran manipud iti pannakateppang dagiti pagtaenganda.
Kabayatanna, nawarasan metten iti ayuda dagiti nakurang 400 a pamilia iti nasao a barangay.
Agtultuloy ti assessment nga isaysayangkat dagiti local official tapno maammuan ti kakaro dagiti damages ken ti bilang dagiti pamilia a naapektaran.
Nabalakadan dagiti agindeg nga agridam ken sumurot kadagiti pammilin dagiti maseknan nga opisial.
Source: Bombo Radyo Vigan
