SAN FERNANDO CITY, La Union ā Inyuswat ti Department of Labor and Employment (DOLE)āLa Union Field Office ti pannakipagtipon dagiti kameng ti Best Public Employment Service Office (PESO) Committee idi Abril 27 idiay Mabanag Hall, San Fernando City, La Union, para iti deliberation dagiti entries iti Provincial Level Search for Best PESO Award.
Ti komite ket nangaramid iti pannaka-evaluate, panang-screen, ken panangirekomendar kadagiti kwalipikado nga entries manipud iti probinsya tapno maendorso da iti regional selection.
Ti Search for Best PESO Award ket maysa nga inaldaw a panangbigbig ti DOLE a mangitampok iti napintas nga panagserbi dagiti PESO iti entero a pagilian. Suksukimatenna ti kinaepektibo dagiti PESO iti panangipatungpal dagiti programa para iti panagserbi iti trabaho, a kas iti job matching, panangipakaammo iti labor market information, ken panangited kadagiti serbisyo para iti lokal ken overseas nga empleyo.
Babaen iti daytoy a search, mapapigsaan pay ti tuloy-tuloy a panag-improve ken panag-innovate dagiti PESO iti panangipasideg dagiti serbisyo iti trabaho kadagiti komunidad, nangruna iti grassroots level.
Source: PIA Ilocos Region
