Dagus a nagresponde ti Bureau of Fire Protection (BFP) Region 2 iti maysa nga insidente idiay Tuguegarao City a nangrugin iti pannakatnag dagiti tallo a indibidwal iti nauneg a balon idi Setiembre 28, 2026.
Babaen iti napartak ken nasinunuo a panagkaykaysa ti BFP Region 2 Special Rescue Force (SRF) a pinanguluan ni FSINSP Jude Micheal P. Guliman, Rescue Company Commander, iti babaen ti direktang panangidaulo ni FCINSP Arvin Jay B. Laguna, OIC, SRF, a kaduada dagiti personnel ti Emergency Medical Services (EMS), Tuguegarao City Fire Station, ken PNP Tuguegarao City, naballigi a naisalaakan dagiti tallong indibidwal manipud iti nauneg a balon. Dagus met a naited kadagiti biktima ti kasapulan a medical assistance sakbay a naiturn-overda kadagiti mangipapaay iti medikal a panangaywan.
Iti babaen ti panangidaulo ni FSSUPT Victoria Agbayani Domingo, DSC, Regional Director, itultuloy ti BFP Region 2 ti panangpapigsa iti kapasidad ken kahandaan dagiti responder iti napartak ken nasinunuo a panagresponde iti emerhensia ken rescue operations.
Ti naturang panagresponde ket tapno dagus a maisalakan dagiti adda iti peggad, maprotektaran ti biag, ken masigurado ti kinatalged ken pagimbagan ti komunidad iti panawen dagiti insidente ken emergency.
