Naisayangkat iti Mayo 30, 2026 ti pormal a panaglukat ken panangbendision ti SWAD Satellite Office ti Department of Social Welfare and Development Field Office 02 (DSWD FO2) idiay Echague, Isabela babaen ti ribbon-cutting ceremony a pinangulohan ni Regional Director Lucia Suyu-Alan ken ni Hon. Mayor Inno Dy.
Pinanguloan dagiti opisial ti DSWD FO2 ken Lokal a Gobyerno ti Echague ti nasao nga okasion a dinaloan met dagiti kameng ti Sangguniang Bayan, nga impakitada ti naan-anay a suporta ken pannakikadua iti panangpapigsa kadagiti programa ken serbisyo ti social welfare iti ili.
Ti baro nga opisina ti Social Welfare and Development (SWAD) Satellite Office ket mangipaay iti nalaka ken asideg a panagserbi kadagiti benepisiario, nangruna kadagiti umili iti Maika-6 a Distrito ti Isabela ken dagiti agnanaed iti asideg a lugar.
Babaen daytoy, mapabassit ti oras ti panagbiyahe ken gastos dagiti kliyente iti panagawatda kadagiti serbisyo, tulong, ken programa ti DSWD.
Source: DSWD Region II
