Nasarakan ti bangkay ti maysa a 15 anyos a balasang iti maysa a damuhan iti Sitio Tawang, Purok 4, Barangay Lublub iti Alfonso CastaƱeda, Nueva Viscaya idi Domingo, Abril 19, 2026. Segun kadagiti umili, nadiskubre ti bangkay iti lugar nga asideg iti kaaduan a ruot ken nataytayak a daga.
Dagiti dua a residente iti nasao a barangay ti nakakita iti bangkay, isu a dagusda nga inpakaammo iti pulisya. Dagiti kameng ti Alfonso CastaƱeda PNP ket nagresponde a dagus tapno inspeksionen ti lugar ken mangrugi iti imbestigasyon.
Naammuan a ti biktima ket maysa a residente met laeng iti nasao a ili ken 15 anyos ti tawenna. Segun kadagiti kapamilyana, naudi a nakita a sibibiag ti biktima idi Abril 10, sakbay a naipakaammo a napukaw.
Agtultuloy pay laeng ti imbestigasyon dagiti otoridad tapno maamwan no anya ti pudno a rason ti ipapatay ken no sino ti responsable iti krimen. Umawat met ti pulisya iti aniaman a impormasyon manipud kadagiti umili a makatulong iti panangsolbar iti kaso.
Source: DWRV1233.Official Facebook page
Photo from NVPPO
