Naipaay ti sag-P200,000 iti agarup 140 a barangay iti 13 a munisipyo ti Probinsya ti Benguet babaen iti Bawat Barangay Makikinabang Program (BBMP) kagidan iti Handog ng Pangulo 2026 a naipatungpal idiay Benguet Sports Complex, Wangal, La Trinidad, Benguet.
Maipaay ti P100,00 manipud iti nasao a gatad kas educational assistance kadagiti qualified students bayat a ti nabatbati a P100,000 met ket mailatang para iti anyaman a prayoridad ti barangay para iti development needs ken community projects.
Malaksid iti dayta, dumanon iti 18 a mannalon ti naawardan iti livelihood check nga aggatad iti P618, 544 .00. Dagiti nasao a mannalon ket karaman iti accredited Co-Parter (ACP) manipud iti Munisipyo ti Atok kas paset iti DOLE Integrated livelihood program (DILP).
Kabayatanna, agarup 503 met a mannalon manipud iti Munisipyo ti La Trinidad ti nagnumar iti agarup P3.8 Milyon kas paset iti TUPAD (Tulong Panghanapbuhay para sa Ating Disadvantaged Workers) babaen iti UPLIFT initiative ti Agricultural Sector.
Agarup 2,276 a mannalon iti entiro a probinsya ti nagbalin a benepisyaryo iti nasao a programa no sadino naipaay ti agarup P17.7 Milyon.
Ti Unified Package for Livelihoods, Indistry, Food and Transport (UPLIFT) intiative ket maysa a programa a mangipaay ti short term wage employment bayat nga aktibo a masupsuprotaran ti local food security dagiti benepisyaryo.
Kanayonanna, dumanon met iti 233 a drayber ken allied workers manipud iti Munisipyo ti La Trinidad ti nagbalin a benepisyaryo babaen iti kapada nga ititiatiba bayat a 969 met a drayber ken allied workers ti benepisyaryo iti siudad ti Baguio ken daduma a paset ti Benguet no sadino agarup P7.3 Milyon met ti naipaay kadakuada.
Kabayatanna, iti ahensya ti TESDA, 125 packs a tesda course ti naipaayam ti support fund a dumanon ti 252,023.00
nangipaay metlaeng dagitoy ti 80 packs a toolkits wenno welding machine para ti shielded metal Arc Welding NcII.
Nangipaay metlaeng dagitoy ti scholarship voucher kadagiti agarup 50 scholarship grantees babaen iti tulong trabaho scholarship program no sadino nailatang ti agarup P1.5 Milyon.
Kabayatanna, nangipaay ti DSWD SWAD-Benguet iti educational assistance para kadagiti studyante babaen iti Assistance to Individuals in Crisis (AICS).
Malaksid iti dayta, naipaay metlaeng dagitoy ti food assistance iti agarup 136 a benepisyaryo kadagiti pamilya nga addaan laeng iti minimal income wenno indigents a sumangsango iti krisis.
Iti sidung ti UPLIFT initiative, nakaawat met dagiti vulnerable households a naapektaran iti energy emergencies iti cash assistance a dumanon iti P2,000 tunggal benepisyaryo manipud La Trinidad, Sablan, Tuba, ken Tublay.
Iti sabali a bangir, tallo nga indibidual ti nakaawat iti sag-P20,000 babaen iti Sustainable Livelihood Program (SLP) ti DSWD.
Walo a benepisyaryo ti Department of Migrant Workers ti nakaawat ti action fund a dumanon iti pakabuklan a P500,000 bayat a 13 a benepisyaryo met ti immawat iti Livelihood Assistance a dumanon iti P195K. Sumagmamano kadagiti napili ket nakaawat metlaeng ti financial assistance.
Kinidaw met ni Gov. Melchor Diclas kadagiit nakaawat ti tulong nga aramatenda a nalaing dagiti naawatda nga assistance.
Source: Bombo Radyo Baguio
