Libu-libong mga bagong aplikante at mga dating benepisyaryo ng ating Alaminos City Scholarship Program (ACSP) ang tumungo sa City Gymnasium ngayong araw, Mayo 29, 2024 para sa isinagawang pamamahagi ng scholarship forms para sa School Year 2024-2025.
Hindi alintana ang init ng panahon at pabugso-bugsong ulan, matiyagang pumila para magpalista at makakuha ng scholarship forms ang mga college students upang makatanggap ng grant o assistance para sa kanilang pag-aaral, na bahagi ng komprehensibong programa at handog pagmamahal ni Mayor Arth Bryan C. Celeste at ng pamahalaang lungsod ng Alaminos sa mga kabataang Alaminian.
Ang aktibidad ay pinangunahan ni City Scholarship Coordinator Realyn Lejero at City POSO Chief Maridel Rabac.
Nagkaroon din ng maikling oryentasyon patungkol sa ACSP at pinaalalahanan ang mag-aaral at magulang na agarang isumite ang mga kinakailangang dokumento upang maiproseso ang kanilang scholarship grants at assistance.
Panulat ni Manlalakbay
