Nagsagawa ng libreng paligo para sa mga kabataan na isinagawa sa Barangay ng Lucao, Dagupan City, Pangasinan nitong Mayo 4, 2024.
Nakilahok at sumabay sa paliligo sa mga kabataan ang alkalde na si Mayor Belen Fernandez, Liga ng mga Barangay President Councilor Marcelino Fernandez, City Department Heads, Lucao Barangay Council, Barangay Health Workers, Work immersion student-trainees at volunteers.
Binigyan din ng Vitamin A supplementation at oral polio vaccines ang mga kabataan kasama ang mainit na sopas at pandesal at iba pang libreng gamit habang nagbahagi ng leksyon tungkol sa malusog na pagkain si City Nutrition Action Officer Ana Mariel Visperas.
Samantala, tumanggap naman ang mga nagbubuntis ng prenatal check-ups, bakuna, tamang paraang pagpapasuso, at malusog na pagkain mula kay City Health Officer Dr. Ophelia Terrado.
Source LGU Alaminos
Panulat ni Manlalakbay
