Sumailalim sa Basic Water Safety and Rescue (WASAR) training ang mga immersion student ng Baggao Municipal Disaster Risk Reduction and Management Office (MDRRMO) sa Barangay San Miguel Duba River and Cave, Baggao, Cagayan noong Marso 19, 2024.
Ilan sa mga ginawa sa naturang pagsasanay ay ang swimming proficiency demonstrations, talakayan at ang mga lifesaving techniques.
Malaking tulong umano sa hanay ng mga rescuer ang kanilang isinagawang pagsasanay dahil magkakaroon sila ng sariling kakayahan na tumulong kung kinakailangan.
Layunin ng pagsasanay na mapataas ang kaalaman ng bawat estudyante sa kahalagahan ng pagiging handa sa water search, rescue, at recovery operations.
Source: Cagayan Public Information Office
Panulat ni PCpl Roldan Guiyab
