Inlawlawag ni Board Member Atty. Pablito Sanidad ti gakat wenno Ordinansa a napanaganan ti Ilocos sur Kontra El Niño task force.
Iti pannakiuman ti Bombo radyo Vigan kenni Atty. Pablito Sanidad, inlawlawag na a ti gakat ket nabuangay tapno masigurado ti seguridad ti supply ti danum, panagsagana iti didigra ken tapno maprotektaran ti kumunidad Kontra iti El Niño, ti membership ti nasao nga ordinansa ket pakairamanan ti nadumaduma a sector iti tunggal ili ti Ilocos Sur.
Innayon na pay nga adda dagiti nadumaduma nga agencies nga katulunagn ti probinsia iti pannakaipatungpal daytoy nga ordinansa pakairamanan ti benneg ti agrikultura, fisheries, health, public works and highways, utilities ken farmers and fisher folks groups.
Nasao pay ti provincial board member nga nasken a tutukan ti benneg ti Agrikultura iti probinsia nga
Ilocos sur gapuanan a ti probinsia tayo ket maysa nga agricultural province.
Source: Bombo Radyo Vigan
