Natagpuan ang bangkay ng isang lalaki sa ilog ng Sitio Langtay, Bokiawan, Hungduan, Ifugao nito lamang Nobembre 6, 2023.
Batay sa ulat ng Hungduan PNP, bandang 6:00 ng gabi nang tumawag ang asawa ng biktima na si Ms. Leonila P. Pialante para ipaalam na nakita ang motorsiklo ng kanyang asawa sa gilid ng kalsada.
Agad namang rumesponde ang mga miyembro ng Hungduan Municipal Police Station sa nasabing lugar at nagsagawa ng imbestigasyon at nakapanayam si Mr. Rogelio B. Puggo, residente ng Langtay, Bokiawan, Hungduan, Ifugao at napag-alaman na nagkainuman sila ng biktima bago ang insidente.
Bandang 3:30 ng hapon nagsagawa ng search and retrieval operation ang grupo ng PNP, BFP, MDRRMO at ibang residente ng lugar at nakita ang biktima isang kilometro ang layo mula sa bangin kung saan pinaniwalaang nahulog at wala nang buhay.
